ആസന്നമരണര്ക്കുവേണ്ടിയുള്ള പ്രാര്ത്ഥന
"അദ്ധ്വാനിക്കുന്നവരും ഭാരം വഹിക്കുന്നവരുമായ നിങ്ങള് എല്ലാവരും എന്റെ അടുക്കല് വരുവിന്.ഞാന് നിങ്ങളെ ആശ്വസിപ്പിക്കാം"എന്ന് അരുളിചെയ്തുകൊണ്ട് ദു:ഖിതരെ തന്റെ പക്കലേയ്ക്ക് സ്നേഹപൂര്വ്വം സ്വീകരിച്ച കാരുണ്യവാനായ കര്ത്താവേ,രോഗാതുരനും മരണാസന്നനുമായിരിയ്ക്കുന്ന ...... എന്ന സഹോദരന്റെ/സഹോദരിയുടെ മേല് കൃപയായിരിയ്ക്കണമേ.ജീവിതകാലത്ത് അങ്ങയുടെ നാമത്തില് ചെയ്തിട്ടുള്ള എല്ലാ സല്പ്രവര്ത്തികളും പുണ്യപ്രവര്ത്തികളും പരിഗണിച്ച് മരണ നേരത്ത് ഇയാളെ ആശ്വസിപ്പിക്കുകയും അനുഗ്രഹിക്കുകയും ചെയ്യണമേ.അങ്ങയോടുള്ള സ്നേഹത്തെപ്രതി ഇയാള് അനുഭവിച്ചിട്ടുള്ള ക്ലേശങ്ങളെയും ബുദ്ധിമുട്ടുകളെയും ഓര്ത്ത് ഈ സഹോദരന്റെ/സഹോദരിയുടെമേല് കരുണയായിരിയ്ക്കണമേ.അങ്ങയുടെ രക്ഷാകരമായ പീഡാനുഭവത്തെയും കുരിശുമരണത്തെയുംപ്രതി അറിഞ്ഞും അറിയാതെയും ഈ സഹോദരന്റെ /സഹോദരിയുടെ ജീവിതത്തില് വന്നുപോയ പാപങ്ങളെല്ലാം പൊറുക്കുകയും കടങ്ങളെല്ലാം മോചിക്കുകയും ചെയ്യണമേ.കര്ത്താവേ,അങ്ങയുടെ തിരുസഭയുടെ അംഗമായ ഈ സഹോദരനെ/സഹോദരിയെ അങ്ങയുടെ തിരുരക്തത്താല് കഴുകി വിശുദ്ധികരിക്കുകയും അങ്ങയുടെ കുരിശിന്റെ ശക്തിയാല് എല്ലാവിധ തിന്മകളുടെയും ശക്തികളില് നിന്നും സംരക്ഷിക്കുകയും ചെയ്യണമേ.അങ്ങുന്നു തിരുമനസ്സാകുന്നുവെങ്കില് ഈ സഹോദരന്/സഹോദരിക്ക് നല്ലൊരു മരണം പ്രദാനം ചെയ്യുകയും അതുവഴി സ്വര്ഗ്ഗരാജ്യത്തില് അങ്ങയുടെ തിരുമുഖം ദര്ശിക്കുവാനും സ്വര്ഗ്ഗത്തിലെ സകല മാലാഖമാരോടും വിശുദ്ധരോടും ചേര്ന്ന് അങ്ങയെ നിരന്തരം പാടി സ്തുതിക്കുവാനും അനുഗ്രഹിക്കണമേ.ജീവന്റെയും മരണത്തിന്റെയും നാഥനും നിത്യം പിതാവും പുത്രനും
പരിശുദ്ധാല്മാവുമായ സര്വ്വേശ്വരാ.ആമ്മേന്.
Subscribe to:
Post Comments (Atom)
No comments:
Post a Comment