Tuesday, February 2, 2010

പാപികളുടെ മാനസാന്തരത്തിനുവേണ്ടിയുള്ള പ്രാര്‍ത്ഥന

പാപികളുടെ മാനസാന്തരത്തിനുവേണ്ടിയുള്ള പ്രാര്‍ത്ഥന

സര്‍വ്വശക്തനും പിതാവുമായ ദൈവമേ,അങ്ങയെ ഞങ്ങള്‍ ആരാധിക്കുകയും സ്തുതിക്കുകയും ചെയ്യുന്നു.സ്വന്തം
രൂപത്തില്‍ മനുഷ്യനെ സൃഷ്ടിക്കുകയും പാപം മൂലം അധപതിച്ച മനുഷ്യകുലത്തെ രക്ഷിക്കാന്‍വേണ്ടി തന്‍റെ തിരുക്കുമാരനെ അയയ്ക്കുകയും ചെയ്ത സ്നേഹത്തെ ഓര്‍ത്ത് അങ്ങേയ്ക്ക് ഞങ്ങള്‍ നന്ദി പറയുന്നു.അങ്ങയുടെ
പ്രിയപുത്രനും ഞങ്ങളുടെ കര്‍ത്താവുമായ ഈശോയിലൂടെ ഞങ്ങളെ മാനസാന്തരത്തിലേയ്ക്ക് ക്ഷണിക്കുകയും
നിത്യജീവിതത്തിലേയ്ക്കാനയിക്കുകയും ചെയ്ത കര്‍ത്താവേ,.... എന്ന ദു:ശീലത്തിന്റെ/തിന്മയുടെ അടിമയായിരിയ്ക്കുന്ന (പേര് പറയുക)സഹോദരന്റെ /സഹോദരിയുടെമേല്‍ കരുണയായിരിയ്ക്കണമെന്നു ഞങ്ങള്‍ പ്രാര്‍ത്ഥിക്കുന്നു.മാനസാന്തരപ്പെടുന്നില്ലെങ്കില്‍ നിങ്ങള്‍ നശിക്കും എന്നരുളിചെയ്തുകൊണ്ട് പാപവും
പാപസാഹചര്യങ്ങളും വിട്ടകലുവാന്‍ ആഹ്വാനം ചെയ്ത കര്‍ത്താവേ,തിന്മയെയും അതിന്‍റെ സാഹചര്യങ്ങളെയും ഉപേക്ഷിക്കാന്‍ ആവശ്യമായ എല്ലാ കൃപകളുംകൊണ്ട് ഈ സഹോദരനെ/സഹോദരിയെ അനുഗ്രഹിക്കണമേ.അങ്ങയുടെ പ്രിയപുത്രന്‍ സഹിച്ച പാടുപീഡകളെയും കുരിശുമരണത്തെയും ഓര്‍ത്ത് തിന്മയുടെ എല്ലാ ബന്ധനങ്ങളിലും നിന്ന് ഈ സഹോദരനെ/സഹോദരിയെ മോചിക്കുകയും അങ്ങയുടെ തിരുക്കുമാരനായ ഈശോയേയും അവിടുത്തെ ആല്‍മാവിനെയും സ്വീകരിക്കുവാന്‍ തക്കവിധം ഇയാളുടെ ഹൃദയത്തെ തുറക്കുകയും ചെയ്യണമേ.പാപമോചനത്തിനായി അവിടുന്ന് കുരിശില്‍ ചിന്തിയ തിരുരക്തം തളിച്ച്
ഇയാളെ വിശുദ്ധികരിക്കുകയും എല്ലാവിധ പൈശാചിക ശക്തിയില്‍ നിന്നും,പാപസാഹചര്യങ്ങളില്‍ നിന്നും
അവിടുത്തെ വി.കുരിശിന്റെ ശക്തിയാല്‍ രക്ഷിക്കുകയും ചെയ്യണമേ.ആമ്മേന്‍.

1 സ്വര്‍ഗ്ഗ. 1 നന്മ. 1 ത്രിത്വ.

No comments:

Post a Comment