Monday, February 8, 2010

പ്രവേശന ഗാനങ്ങള്‍

പ്രവേശന ഗാനങ്ങള്‍

കാല്‍വരി മലയുടെ ബലിപീത്തില്‍
തിരികള്‍ കൊളുത്തുന്നു
മാനവര്‍ ചുറ്റിലും ആദരപൂര്‍വ്വം
കൈകള്‍ കൂപ്പുന്നു (2)

1. ദൈവാല്‍മജനുടെ ദിവ്യവിരുന്നിന്‍
നിര്‍മ്മല നിമിഷമിതാ (2)
പുലരിപ്പൂവുകള്‍ പൂങ്കതിരണിയും
വിരഹ മുഹൂര്‍ത്തമിതാ (2) (കാല്‍വരി.....)

2. ഉന്നത വീഥിയിലീശനു കീര്‍ത്തനം
അരുളിയ മാനവരേ (2)
ഈ ബലിവേദിയില്‍ ആശാഗീതികള്‍
പാടി നിരന്നീടുവിന്‍ (2) (കാല്‍വരി....)

3. ഗാഗുല്‍ത്തായുടെ വിരികള്‍ തുറക്കൂ
മിഴിനീരൊഴുകട്ടെ (2)
പാപം താങ്ങി വലഞ്ഞവരെല്ലാം
പ്രശാന്തി നുകരട്ടെ (2) (കാല്‍വരി....)

4. ജീവന്‍ നല്‍കും ദിവ്യജലത്തിന്‍
ഉറവിടമാണിവിടം (2)
പാവനമായൊരു സ്നേഹവിരുന്നിന്‍
വേദികയാണിവിടം (2) (കാല്‍വരി...)

No comments:

Post a Comment